У паліцыю Варшавы паступіў званок ад невядомых пра міну, закладзеную ў Беларускім доме, дзе ўвечары 26 верасня мусіць адкрыцца выстава, прысвечаная праваабаронцу Алесю Бяляцкаму, піша BPN.
Як перадае карэспандэнт BPN з месца падзей, паліцыя прыехала перад пачаткам мерапрыемства. Поўная эвакуацыя не праводзілася, частка прысутных спусцілася ўніз, частка знаходзіцца ў памяшканні.
Паліцыя плануе правесці візуальны агляд.
Арганізатары разлічваюць, што праверка не зойме шмат часу, паведаміў кіраўнік Беларускага дома Алесь Зарэмбюк.
Upd. Пазней стала вядома, што званок пра мініраванне аказаўся ілжывым. Праверка доўжылася хвілін 35−40, поўная эвакуацыя не праводзілася. Пасля гэтага запланаванае мерапрыемства пачалося.