У Цэнтрвыбаркам пададзеныя дакументы на рэгістрацыю ініцыятыўных груп па вылучэнні кандыдатамі ў прэзідэнты лідара Ліберальна-дэмакратычнай партыі Беларусі Алега Гайдукевіча і кіраўніка Рэспубліканскай партыі працы і справядлівасці Аляксандра Хіжняка.
Дакументы ў ЦВК Алег Гайдукевіч падаў асабіста. Кіраўніком ініцыятыўнай групы ён прызначыў свайго першага намесніка ў ЛДПБ, паведамляецца ў тэлеграм-канале палітыка.
Акрамя таго ў ЦВК 30 кастрычніка былі пададзеныя дакументы на рэгістрацыю ініцыятыўнай групы грамадзян па зборы подпісаў выбаршчыкаў у падтрымку вылучэння старшыні Рэспубліканскай партыі працы і справядлівасці Аляксандра Хіжняка, перадае БЕЛТА.
Нагадаем, прэзідэнцкія выбары прызначаныя ў Беларусі на 26 студзеня 2025 года. 26 кастрычніка ЦВК прыняў дакументы на рэгістрацыю ініцыятыўнай групы па вылучэнні кандыдатам у прэзідэнты Аляксандра Лукашэнкі. Дакументы на рэгістрацыю яшчэ двух кандыдатаў — старшыні руху «За Свабоду» і эксперта па рэгіянальным развіцці Народнага антыкрызіснага ўпраўлення Юрася Губарэвіча і Аляксандра Драздова — адхілілі.
Чытайце таксама
