Колькі зарабляюць кіраўнікі ў рэгіёнах, паведаміў у эфіры дзяржтэлеканала СТБ старшыня Пастаяннай камісіі Савета Рэспублікі Нацыянальнага сходу Рэспублікі Беларусь па заканадаўстве і дзяржаўным будаўніцтве Міхаіл Русы.
«Сёння заработная плата выбудаваная так, што кіраўнік, калі ёсць вытворчасць, зарабляе па сем-восем тысяч. Гэта ўжо і ёсць прывабнасць», — заявіў старшыня Пастаяннай камісіі Савета Рэспублікі Нацыянальнага сходу Рэспублікі Беларусь па заканадаўстве і дзяржаўным будаўніцтве Міхаіл Русы.
Ён таксама адзначыў, што кіраўнікі забяспечваюцца жыллём, «ёсць умовы для жыцця».
Русы не назваў рэгіёнаў, дзе ў кіраўнікоў такі памер зарплаты.
Нагадаем, сярэдні заробак у Беларусі ў кастрычніку склаў 2 363,4 рубля, паведамляе Белстат. Гэтая сума на 49,5 рубля большая, чым у верасні.
Чытайце таксама
