Як беларусы будуць працаваць і адпачываць у сакавіку 2023 года, расказалі ў Міністэрстве працы і сацыяльнай абароны.
Згодна з вытворчым календаром, у беларусаў, якія працуюць на пяцідзённым працоўным тыдні, у сакавіку 2023 года будзе 22 працоўныя дні (адзін з іх перадсвяточны — 7 сакавіка) і дзевяць непрацоўных (з улікам 8 сакавіка). Нагадаем, 8 сакавіка, у сераду, у Беларусі будзе выходны дзень. 6 і 7 сакавіка — працоўныя дні.
У Мінпрацы тлумачаць, што разліковая норма працоўнага часу ў першым месяцы вясны пры 40-гадзінным працоўным тыдні складзе:
- для пяцідзённага працоўнага тыдня з выходнымі днямі ў суботу і нядзелю — 175 гадзін;
- для шасцідзённага працоўнага тыдня з выходным днём у нядзелю — 173 гадзіны.
