Мяцеж ПВК Вагнера ў Расіі скончыўся тым, што Яўген Прыгожын адмовіўся ад «паходу на Маскву» і пагадзіўся з’ехаць у Беларусь. Пакуль не зусім зразумела, калі ён прыедзе ў Беларусь, будзе адзін ці са сваімі байцамі. Пад выглядам занепакоенага грамадзяніна журналіст «Люстэрка» патэлефанаваў у адміністрацыю Лукашэнкі з пытаннямі.
— Па тэлебачанні сказалі, што Яўген Прыгожын у Беларусь едзе. У мяне бацькі жывуць на мяжы з Расіяй. Можа, іх трэба эвакуяваць, калі найміты Прыгожына паедуць праз гэтыя месцы? — удакладнілі мы.
— Навошта іх эвакуяваць? Не зусім разумею, — адказаў супрацоўнік.
— Як жа? Калі раптам будуць праязджаць гэтыя незразумелыя найміты. У Расіі яны ўступалі ў перастрэлкі з арміяй.
— Вы, калі ласка, карыстайцеся афіцыйнымі крыніцамі інфармацыі. Там усё будзе даведзенае да ведама. Хто едзе і куды едзе?
— Я так і не зразумеў з паведамленняў тэлебачання. Найміты будуць заязджаць у Беларусь ці не?
— Думаю, я роўна столькі ж гляджу тэлевізар, колькі і вы. Ведаю толькі тую інфармацыю, якая агучваецца па тэлебачанні.
— А што можаце параіць? Яны ж могуць і мяцеж падняць, як у Расіі.
— Хто мяцеж падыме?
— Найміты Прыгожына.
— (паўза) Я вас не зусім разумею. Хочаце вы што? Якую інфармацыю атрымаць?
— Хацелася б атрымаць параду ад дзяржаўных органаў. Як дзейнічаць у такой сітуацыі?
— У якой сітуацыі? Калі раптам мяцеж?
— У сітуацыі, калі найміты будуць ехаць на танках праз Беларусь. Раптам будзе страляніна ці яшчэ што.
— На сённяшні дзень у СМІ праінфармавалі, што найміты будуць у Беларусі. Так?
— Ну так, так я зразумеў.
— Але ніхто не казаў, што яны будуць ехаць на танках і будзе страляніна. Так?
— Не ведаю. Хацеў якраз у вас даведацца, чаго чакаць. Гэта бяспечная ці небяспечная сітуацыя? Як мне як грамадзяніну Рэспублікі Беларусь дзейнічаць?
— У якой сітуацыі?
— У сітуацыі, калі калона замежных наймітаў будзе ехаць праз вёску маіх бацькоў. Як мне дзейнічаць? Што мне сказаць ім?
— Там абвясцілі, што найміты будуць ехаць праз вёску?
— Не. Вось і хацеў у вас удакладніць, чаго чакаць.
— Вось я і паўтараю: уся інфармацыя будзе ў СМІ.
Чытайце таксама
