Краіны ЕС дасягнулі дамоўленасці пра вылучэнне дапамогі Украіне ў памеры 50 мільярдаў еўра. Пра гэта паведаміў у Twitter старшыня Еўрапейскага савета Шарль Мішэль.
«Усе 27 лідараў дамовіліся пра дадатковы пакет падтрымкі Украіны на суму 50 мільярдаў еўра ў рамках бюджэту ЕС», — заявіў Мішэль.
Паводле яго, гэта забяспечвае стабільнае, доўгатэрміновае і прадказальнае фінансаванне для Украіны. «ЕС бярэ на сябе лідарства і адказнасць у падтрымцы Украіны; мы ведаем, што пастаўленае на кон», — дадаў старшыня Еўрасавета.
Нагадаем, раней ЕС прыгразіў падарваць эканоміку Венгрыі ў выпадку блакавання дапамогі Украіне. Орбан тады абвінаваціў кіраўніцтва Еўрасаюза ў шантажы.