Вярбоўка добраахвотнікаў для ўдзелу ў вайне ва Украіне вядзецца рэкорднымі тэмпамі. Пра гэта сведчаць звесткі Цэнтрабанка пра крэдытныя канікулы вацскоўцам, на якія звярнула ўвагу «Медыязона».
Статыстыка крэдытных канікул адлюстроўвае колькасць людзей, якім адтэрмінавалі выплату крэдыту. Але такая адтэрміноўка немагчымая для крэдыта, атрыманага да адпраўкі на фронт.
Толькі з ліпеня да верасня банкі аформілі 54,2 тысячы новых крэдытных канікул для ўдзельнікаў уварвання ва Украіну (уключаючы кантрактнікаў і мабілізаваных), то-бок амаль удвая больш, чым за аналагічны перыяд папярэдняга года. Летась банкі афармлялі менш за 30 тысяч крэдытных канікул у кожным квартале.
Закон пра крэдытныя канікулы па іпатэчных і спажывецкіх крэдытах і пазыках удзельнікам вайны ва Украіне Пуцін падпісаў яшчэ ў кастрычніку 2022 года. З пачатку яго дзеяння ўсяго было аформлена 411 тысяч канікул.
Тэмпы вярбоўкі ў расійскую армію выраслі ў 2024 годзе. Для гэтага ў рэгіёнах паднялі памеры аднаразовай выплаты. Паводле ацэнкі амерыканскай разведкі, якую прыводзіць The New York Times, у расійскую армію для вайны з Украінай штомесяц вярбуюць 25−30 тысяч чалавек.
Чытайце таксама
